झायीब आणि हानीया

झायीब आणि हानीया या दोन सुपर टॅलेंटेड पाकिस्तानी गायीका आहेत. त्यांचा ’चुप’ हा अल्बम पाकिस्तानात धुमाकुळ घालतोय.. असो, जास्त माहीती हवी असेल तर गुगल करा.

त्यांचं ’पैमाना बिदे" हा एक वेगळाच अनुभव आहे. मी हे गाणं ३० वेळा ऐकलं.. पुन्हा पुन्हा ऐकलं. सो, एन्जॉय ’पैमाना बिदे’.....

Zeb and Haniya, Zebunissa Bangash and Haniya Aslam, chup

मैत्रीण

यार, कधीकधी असं वाटतं की एकतरी नि:स्वार्थी मैत्रीण असावी.
लपुनछपुन नाही.. ओपन!!
बायको ऐवजी नाही, तर बायको सकट.
सुंदर आणि प्रेमळ बायको असतांना सुद्धा असं वाटणं चुक आहे का?
..आणि जर अशी मैत्रीण असलीचं, तर बायको तीचं तुमच्याशी असलेलं नातं समजुन घेउ शकेल?
खरं तर समजुतदारपणाचा मक्ता मैत्रीणीकडेच असतो.
तीच कायम रिसिव्हींग एन्ड ला असते.
पण समजा एखाद्या नाजुक क्षणी तिच्याही मनात वासना आली तर??
..की शेवटी नर आणि मादी हेच नातं खरं आहे???

स्त्री-पुरुष इंटरेस्टिंग सर्व्हे

४०% स्त्रीयांनी म्हंटलं की पुरुषांच्या डोळ्यांकडे आधी लक्ष जातं

६३% स्त्रीयांना पुरुषांनी त्यांच्याकडे पाहीलेल आवडतं

८३% स्त्रीया इमोशनली विचार करतात

७३% पुरुषांना सुंदर स्त्रीयांची भीती वाटते

६७% स्त्रीयांचा विवाहसंस्थेवर विश्वास आहे

७१% पुरुष लग्नासाठी व्हर्जिनीटी हा निकष लावत नाहीत

५४% पुरुषांना लठ्ठपणा हा सेक्समधला अडसर वाटत नाही

६२% पुरुष बायकोचे/गर्लफ्रेंडचे मोबाईल तपासतात

आय लव यु

’आय लव यु’ हे जादुचे शब्द म्हणण्याचा मूर्खपणा केलाय कधी?
जोडीदाराला, मित्रांना, मुलांना, आईवडीलांना.. अगदी आवडलेल्या कुणालाही..

की तो तुमचा स्वभावच नाही..
किंवा हे शब्द एखाद्या खास व्यक्तीसाठीच असतात असं तुम्हाला वाटतयं?

आता इतक्या उशिरा???
वय झालं आता...
अशक्य आहे यार

असं म्हणता???

मग आजच करा हा वेडेपणा! येस.. गो फॉर ईट!!

समोरचा तुम्हाला आधी वेड्यात काढेल.. तरीही.. लगे रहो!

ढगात जायच्या आधी एवढं कराच!!

बाजु

नवरा-बायकोनी माहीत्यीये का.. एकत्र राहीलं नाही पाहीजे

पुर्वीच्याकाळी राजघराण्यात कसं राजाचा महाल वेगळा असायचा, राणीचा वेगळा
मग राजा ठरावीक वेळाच राणीच्या महालात जाणार
राणी खास त्याच्या साठी तयार होणार
दोघांनाही एकमेकांची चांगली बाजुच दिसणार..

आजकालची राणी गाउन घालुन घरभर केसं सांडत फिरते
कधी नाक खाजवत बसते...

राजाही घरभर अंडरपॅंटवर फिरतो
नाकात बोटं घालत टीव्हीसमोर फतकल मारून बसतो
मोठ्याने पादतो...

होतं काय.. दोघांना एकमेकांची सामान्य बाजु दिसते

म्हणुन... नवरा-बायकोनी माहीत्यीये का.. एकत्र राहीलं नाही पाहीजे

लाइफ

आपली लाइफ नथींग आहे.. नथींग!!
पुण्याचे आयटी वाले जी मजा करतात त्यापुढे
साधारण घरच्या, साधारण दिसणाऱ्या मराठी मुली आणि मुलं..
७-८ च्या गृप मधे सुमोत निघतात..
अलिबाग किंवा गणपतीपुळे..
सोबत बकार्डी.. मेल/फिमेल कंडोम्स.. क्रेडिट कार्ड्स..
बरं हे सगळे एकमेकांना ओळखतात वगैरे.. असं काहीही नाही..
नियम एकच.. नो कॅमेरा प्लिज..
ही माझी.. ती तुझी.. असली भानगड नाही..
सगळा खुला मामला.. अर्थात ’योग्य’ ती काळजी घेउन----

टकीला

काल टकीला घेतली.. ५ शॉट

लई भारी मेक्सिकन दारु आहे राव..

सगळ्यात महाग दारुचं गिनिज वर्ड रेकॉर्ड टकीलाच्या नावावर आहे म्हणे

ही ’निट’ घेतात.. ज्याला शॉट म्हणतात

ह्या साठी खास टंबलर/शॉट ग्लास असतातआधी बोटाने मिठ चाटायचं

टकीलाचा शॉट घ्यायचा..

ताज्या लिंबाची फोड चोखायची..

बास्स.. विमान हवेत..

tequila shots, thasaa, thasaa.blogspot.com

माझे ’सु’विचार #२

मुंबईत स्त्रि-पुरुष सबंध जितके कॉम्प्लेक्स आहेत तेवढे जगातल्या कुठल्याच शहरात नसतील

माझे ’सु’विचार #१

उगाच हेल काढुन बोलणाऱ्या बायका बघुन डोक्याचा पार जांगडगुत्ता होतो... पळुन जावंस वाटतं.

ऑस्करची चालुगीरी

मानाचा समजला जाणारा ऑस्कर पुरस्कार सोहळा २७ फेब्रुवारीला आहे. पारदर्शक कारभार असुन सुद्धा काही वाद या पुरस्कार सोहळ्याला चिकटले आहेत. ऑस्करवर असलेले काही गंभीर आरोप:

ऑस्करला निग्रोंचं वावडं
ऑस्करला आणि एकुणच अमेरिकेला निग्रोंचं वावड आहे. हॅथी मॅक-डेनियल आणि हॅले बेरी असे अपवाद सोडले तर ऑस्कर मधे काळ्यांना स्थान नाहीये.

ऑस्करच्या बेस्ट ऍक्ट्रेसचा डिवोर्स
१९३६ ते २०१० पर्यंतच्या ७५१ बेस्ट ऍक्ट्रेस नॉमिनी झाल्यात. त्यातल्या बेस्ट ऍक्ट्रेस पुरस्कार मिळालेल्या ६३% ऍक्ट्रेसचा डीवोर्स झालेला आहे. उदा. सॅड्रा बुलक, हिलरी स्वॅंक, केट विन्स्लेट, ज्युलिया रॉबर्ट्स, हॅले बेरी.

ऑस्कर अमेरिका धार्जिणी
अमेरिका विरोधी असलेला चित्रपट नॉमिनेशन पर्यंत जातो. पण चित्रपटाचं कितीही कौतुक झालेलं असो, बॉक्स-ऑफिस वर पिक्चर हिट असो, जर चित्रपटात अमेरिकेच्या विरोधात काही असेल तर तो ऑस्कर मधुन बाद होतो. उदा. गॅंग्स ऑफ न्युयॉर्क, शिकागो, अवतार.

ऑस्करला लठ्ठ लोकांचं वावडं
लठ्ठ लोकांना ऑस्कर मिळत नाही, एक मॉनिक्युचा अपवाद सोडला तर.

ऑस्करला कुरुपपणाचं आकर्षण

नॉन गॅमरस लुक असलेले चित्रपट, गरीबी / दारिद्र दाखवणारे चित्रपट, गलिच्छ वातावरण, भुक आणि असेच विषय असलेले चित्रपट ऑस्कर ज्युरीला आवडतात. उदा. स्लमडॉग मिलेनियम.

माझं गल्ली क्रिकेट

झुऽऽऽऽऽऽम.. चला माझ्या लहानपणात.

लहानपणी क्रिकेट खेळायचं म्हणजे बॅटवाल्या मित्राला धरुन आणायचं. बॉल स्वस्त असल्याने सहसा कुणाकडेही सापडायचा. गावाकडे प्रत्येकाकडे सायकल असायच्याच, त्यांचा स्टंप म्हणुन उपयोग व्हायचा.

ऍक्चुअली.. खरं तर... क्रिकेट हा बेसिकली तीन जणांचा खेळ आहे. बॅट्समन, बॉलर आणि फील्डर. बास्स.

पण राजकारणात कसं मंत्रांची संख्या वाढून जंबो मंत्रीमंडळ तयार करता येतं तसचं गल्ली क्रिकेट मधे पोरं जास्त वाढली तर त्या प्रमाणात जागा बनवता येतात. मग त्यांना विकेट किपर किंवा तत्सम ठीकाणी पेरायचं.

गल्ली क्रिकेटचे नियमही भन्नाट असायचे.
सरपट्टी किंवा टप्पा चेंडु टाकायचा नाही. कारण काय तर गल्लीतल्या मुली येता-जातांना बघतात. त्यामुळे बायल्या बॉलींग करायची नाही.
जर कोणाच्या गच्चीवर बॉल गेला तर आउट कारण बॉल जप्त व्हायचा. त्यामुळे जोरात बॉल मारायचा नाही.
बगिच्यात बॉल गेला तर बॅट्समनने तो स्वत: जाउन आणायचा.
विकेट किपर नसेल तर हुकलेला बॉल बॅटिंग करणारा आणेल. पण जर या गोष्टीचा फायदा घेउन बॉलर ने जास्त वाईड बॉल टाकला तर तो बॉल बॉलर आणणार.
मुलींना खेळात नो-एंट्री.
एखाद्याची लाईन जर येत असेल तर त्याला खास दोन मिनीटांसाठी (तीच्या समोर म्हणुन) बॅटींग दिली जायची.

कधीकधी मग मोठ्या मुलांसोबत मोकळ्या मैदानावर अर्थात ग्राउंडवर जायचो. ग्राउंडची जमीन टणक असल्यामुळे स्टंप ’गाडायच्या’ जागेवर मुत्राभिषेक करुन जागा नरम करण्यात यायची. बॅट्समनच्या साईड्ला तिन स्टंप आणि बॉलरच्या साईडला एक स्टंप असायचा.

ईथे मात्र बिनधास्त क्रिकेट खेळले जायचे. या बिनधास्त क्रिकेट मुळे अनेकांना नाजुक स्थळी बॉल लागून मरणयातना भोगाव्या लागल्या आहेत.  ईथेच मला कळले कि मी बॉलर म्हणुन जास्त ’फिट’ आहे.

पण काहीही असो... मारामारी.. भांडणं.. ग्रुप्स... आणि क्रिकेट संपल्यावर हात न धुता खाल्लेला वडापाव.. मजा यायची.

आता मात्र मी पोराला चकाचक मॉलला नेतो, पन्नास रुपयात अर्धातास बॅटींग करायला. बॉलींग एक मशीन करतं. आणि फील्डींग साठी नेट लावलेली असते. मॉलच्या दुनियेत आता क्रिकेट हा एकट्याचा खेळ झाला आहे.

प्रगतीच म्हणायची... दुसरं काय??